ఎటిఎం..ఎనీ టైం మందు

పూణె పారిశ్రామికంగా అభివృద్ధి చెందిన నగరం. అక్కడి ప్రజలు పని ఒత్తిడి వల్ల బిజీగా గడుపుతుంటారట. కనీసం తమ కుటుంబం కోసం పాలు కొనుక్కొనే తిరిక కూడా చిక్కట్లేదట. అక్కడి పాల సహకార సంఘం ఆలోచించి ఆలోచించి ఒక నిర్ణయానికొచ్చింది. గుజరాత్‌లో అక్కడక్కడ ఏర్పాటు చేసినట్లుగానే పూణెలోనూ ఎటిఎంలను ఏర్పాటు చేయాలనుకుంది. ఎటిఎం అంటే మనకు గుర్తుకు వచ్చేది ఆటోమెటిక్‌ టెల్లర్‌ మిషన్‌. డబ్బు తీసుకుంటున్నారు కాబట్టి ఎనీ టైం మనీ అని కూడా అంటున్నారు సాధారణ ప్రజలు. పూణెలో ఏర్పాటు చేసేది ఎనీ టైం మిల్క్‌. క్రెడిట్‌కార్డు లేదా డెబిట్‌కార్డు వినియోగిస్తే లేదా కాఫీ మిషన్‌ టైపులో డబ్బులు వేస్తే పాలొస్తాయి. ఏ సమయంలోనైనా ఉద్యోగులు పాల కోసం ఎటిఎంను వాడుకోవచ్చు. త్వరలో పూణెలో ఈ ఎటిఎంలు రాబోతున్నాయి. మన రాష్ట్ర ప్రభుత్వానికి మరో ఐడియా వచ్చిందట. ఒక్క ఐడియా జీవితాన్నే మార్చెస్తుంది అన్నట్లు ఆ ఐడియాతో ఇప్పుడు మద్యంపై వచ్చే ఆదాయం కంటే రెట్టింపు ఆదాయం తెచ్చుకోవచ్చని సర్కార్‌ ఉబలాట పడుతోందంటున్నారు. 

ఎవరికి ఎవరు రుణ పడాలి?

ఎవరికి ఎవరు రుణ పడాలి? కాంగ్రెస్‌ పార్టీకి వైఎస్‌ కుటుంబం రుణ పడాలని ముఖ్యమంత్రి కిరణ్‌ కుమార్‌ రెడ్డి అంటుండగా.. కాదు రెండుసార్లు అధికారంలోకి తెచ్చిన వైఎస్‌కే కాంగ్రెస్‌ రుణ పడాలంటున్నారు జగన్‌, ఆయన మద్దతుదార్లు. వీరి వాదనలను పరిష్కరించేదెవరు? రెండు పక్షాల వాదనలూ సబబుగానే కనబడుతున్నాయి. రాష్ట్రంలో కాంగ్రెస్‌ పతనమైనప్పుడు కాంగ్రెస్‌కు జవసత్వాలు నింపిన వారు వైఎస్‌. 1994లో ఎన్టీఆర్‌ రెండోసారి సృష్టించిన ప్రభంజనానికి కాంగ్రెస్‌ 26 ఎమ్మెల్యే స్థానాలకు పడిపోయింది. కనీసం అసెంబ్లీలో ప్రతిపక్ష హౌదా కూడా దక్కలేదు. ఆ దెబ్బతో పదేళ్లపాటు కాంగ్రెస్‌ కోలుకోలేదు. 

ముందు 'ఆరు'... తర్వాత 'ఐదు'

రాష్ట్ర పరిస్థితులపై ఏడాది పాటు అధ్యయనం చేసిన శ్రీకృష్ణ కమిటీ ఆరు సూత్రాలను ప్రతిపాదించింది. వాటిలో ఐదు, ఆరు సిఫారసులపైనే రాజకీయ పార్టీలు దృష్టి సారించాయి. కేంద్రం, కాంగ్రెస్‌ అధిష్టానం సైతం ఆ రెండింటిపైనే సమాలోచనలు చేస్తున్నప్పటికీ శ్రీకృష్ణ కమిటీ చేసిన బెస్ట్‌ ఆప్షన్‌ అయిన ఆరోదాని వైపు కేంద్రం మొగ్గు చూపినట్లు కనబడుతోంది. ఆరో సూచనే తమ విధానమని కేంద్రం ఇప్పటికిప్పుడు స్పష్టం చేసే పరిస్థితి లేదు. అలా ప్రకటిస్తే తెలంగాణా ప్రాంతంలో కాంగ్రెస్‌కు పుట్టగతులుండవని దానికి తెలుసు. అలా అని ఐదో సూచన అయిన రాష్ట్ర విభజనకు పూనుకుంటే సీమాంధ్రలో పార్టీ గల్లంతవుతుంది. కాబట్టి మధ్యే మార్గంగా 2014 వరకూ ఏ నిర్ణయం తీసుకొని కాలయాపన చేయాలా అనే దిశగా కాంగ్రెస్‌ సమాలోచనలు జరుపుతోంది. సీమాంధ్ర, తెలంగాణ రెండు ప్రాంతాలకూ సంతృప్తి కలిగించే నిర్ణయాన్ని వెతికి పట్టుకుంది కాంగ్రెస్‌.

టాలీవుడ్‌ హీరోలే మాఫియాకు బాధ్యులు

టిడిపి నాయకుడు పరిటాల రవి హత్య కేసులో ప్రధాన నిందితుడు మద్దెల చెర్వు సూరి... కరడుగట్టిన ఫ్యాక్షన్‌ లీడర్‌ అయిన ఆ సూరి హైదరాబాద్‌ నడిబొడ్డున తన అనుచరుడు భాను కిరణ్‌ చేతిలో హత్యకు గురయ్యాడు. సూరి హత్య కేసు తెలుగు సినీ పరిశ్రమకు తగులుకుంది. సూరి, భాను చేసిన సెటిలిమెంట్లు, వాటికీ సినిమా ప్రముఖులకు మధ్య నెలకొన్న సంబంధాలు పుట్ట నుండి పాముల్లా ఒక్కటొక్కటి బయటికొస్తున్నాయి. ఏళ్ల తరబడి ఫ్యాక్షనిస్టుల దందాలు రాజధాని హైదరాబాద్‌తో సహా రాష్ట్రంలోని కొన్ని ప్రాంతాల్లో వేళ్లూనుకున్నా, టాలీవుడ్‌లోని ప్రముఖులు దందా రాయుళ్లతో పెనవేసుకు పోయినా పోలీసులు, ఇంటెలిజెన్స్‌కు ఎందుకు సమాచారం రాలేదన్నది ప్రధాన ప్రశ్న.

జైపాల్‌రెడ్డికి పెట్రోలియం శాఖ దక్కడం వెనుక..?!

కేంద్ర మంత్రివర్గ విస్తరణ ఈసారి కూడా మన రాష్ట్ర కాంగ్రెస్‌ ఎంపీలకు నిరాశే మిగిల్చింది. రాష్ట్రం నుండి 33 మంది గెలిచినా తగిన సంఖ్యలో మంత్రులను తీసుకోలేదన్న అసంతృప్తి ఎంపీల్లో నెలకొంది. కేబినెట్‌ మంత్రి గతంలో ఒక్కరే ఉండేవారు. ఇప్పుడూ అంతే. కీలకమైన శాఖలు సైతం రాష్ట్రానికి ఇవ్వట్లేదన్న విమర్శిస్తున్న చేస్తున్న వారికి ఈసారి కొద్దిపాటి ఊరట కలిగింది. తెలంగాణ ప్రాంతానికి చెందిన జైపాల్‌రెడ్డికి కీలకమైన పెట్రోలియం, సహజ వాయువుల శాఖను కట్టబెట్టారు. ఇప్పటి వరకూ ఆయన పట్టణాభివృద్ధి శాఖను నిర్వహించారు. జైపాల్‌రెడ్డికి పెట్రోలియం శాఖ దక్కడానికి వ్యాపార దిగ్గజం చక్రం తిప్పారని భోగట్టా.

శ్రీకృష్ణ కమిటీ తెలుగు నివేదిక

రాష్ట్రంలో నెలకొన్న పరిస్థితులపై అధ్యయనం చేసిన జస్టిస్‌ శ్రీకృష్ణ కమిటీ గత నెల 30న కేంద్ర హౌం మంత్రి చిదంబరానికి నివేదిక సమర్పించిన సంగతి తెలిసిందే. ఈ నివేదికను ఈ నెల 6న నిర్వహించిన అఖిలపక్ష సమావేశంలో కేంద్రం విడుదల చేసింది. కాగా నివేదిక తెలుగు ప్రతిని రాష్ట్ర ప్రభుత్వం సోమవారం తన వెబ్‌సైట్‌లో ఉంచింది. తెలుగు నివేదికను మా బ్లాగ్‌లో ఉంచాము. దర్శించ గలరు.

సంక్రాంతిపై అర్థం లేని వాదనలు

సంక్రాంతి ఎవరి పండుగ? ఆంధ్రా వాళ్ల పండుగని ఏడాది నుండి ప్రచారం జరుగుతోంది. కెసిఆర్‌ నిరాహారదీక్ష, ప్రత్యేక రాష్ట్రం కోసం ఆందోళనలు ఊపందుకున్న తరుణంలో నిరుడు సంక్రాంతి ప్రస్తావన వచ్చింది. తెలంగాణ రాజకీయ జెఎసి, ఓయు విద్యార్థి జెఎసి అయితే లక్షలాదిగా సంక్రాంతి పండగ చేసుకోడానికి ఇక్కడి నుండి వెళ్లే ఆంధ్రా వాళ్లను తిరిగి తెలంగాణాలో, హైదరాబాద్‌లో అడుగు పెట్టనీయబోమని గత ఏడాది ఇదే రోజుల్లో హెచ్చరించారు. అంతేకాదు కొన్ని చోట్ల రోడ్లకు అడ్డంగా తాత్కాలిక గోడలు సైతం నిర్మించారు. ఈ చర్యలు ఆంధ్రా వాళ్ల మనోభావాలను కలిచివేశాయి. అప్పట్లో టిఆర్‌ఎస్‌ దాని అనుబంధ సంఘాలు సైతం సంక్రాంతి ఆంధ్రావాళ్ల పండుగన్నాయి. వచ్చే సంక్రాంతితో ఆంధ్రా వాళ్ల పీడ విరగడవుతుందని, తెలంగాణ ప్రత్యేక రాష్ట్రం వస్తుందని టిఆర్‌ఎస్‌, జెఎసి నేతలు ఇప్పుడు ఆశాభావం వెలిబుచ్చారు.